 | ||
|
മീരാ നമ്പ്യാരുടെ ‘കാമ സൂത്ര : എ ടെയ്ല് ഓഫ് ലൌ’വില് അഭിനയിച്ചത് തനിക്ക് അശ്ലീല നടി എന്ന പേര് ചാര്ത്തി തന്നു എന്നാണ് ഇന്ദിര അടുത്തകാലത്ത് നടന്ന ഒരു അഭിമുഖത്തില് പരാതിപ്പെട്ടത്. തന്റെ ആദ്യ ചിത്രത്തിലെ റോളിനെ കുറിച്ച് വ്യക്തമായ ധാരണകളും തന്നിരുന്നില്ല എന്നും അവര് പറയുന്നു.
ചിത്രത്തിനു വേണ്ടി കരാര് ഒപ്പിടുമ്പോള് നഗ്നത ഒരു ആവശ്യമായിരുന്നില്ല എന്നും ചിത്രീകരണം തുടങ്ങിയപ്പോള് പോലും കാമസൂത്ര എന്ന പേര് ഇട്ടിരുന്നില്ല എന്നും ഇന്ദിര പറയുന്നു. തുടക്കത്തില് ‘ ദെ മേക്ക് ലൌ’ എന്ന പേരായിരുന്നു തിരക്കഥയില് ഉണ്ടായിരുന്നത് എന്നും അവര് ഓര്ക്കുന്നു.
ഈ പേരിലുള്ള ഒരു ചിത്രത്തിനു വേണ്ടി ഒരിക്കല് നഗ്നയാവേണ്ടി വരുമെന്ന് കൃത്രിമത്വം അറിയാത്ത തുടക്കക്കാരി എന്ന നിലയില് ഒരിക്കലും പ്രതീക്ഷിച്ചിരുന്നില്ല. സിനിമയില് നഗ്നയാവേണ്ടി വരുമെന്ന് അറിഞ്ഞപ്പോള് വീട്ടിലേക്ക് ഫോണ് ചെയ്ത് കരഞ്ഞിട്ടുണ്ട് എന്നും ഇന്ദിര വേദനയോടെ പറയുന്നു.
എന്തായാലും ഈ ചിത്രത്തില് നിന്നുകിട്ടിയ ‘നഗ്ന’ ഇമേജ് തനിക്ക് വിനയായി എന്ന് പറയാന് ഇന്ദിര മടിക്കുന്നില്ല. ഇന്ദിര പിന്നീട് ‘ബ്രൈഡ് ആന്ഡ് പ്രെജുഡിസ്’, ‘ജിന്ന’, എന്നീ സിനിമകളിലും ബിബിസി/എച്ച്ബിഒയുടെ റോം എന്ന ടെലിവിഷന് പരമ്പരയിലും ശ്രദ്ധേയമായ വേഷങ്ങള് ചെയ്തു
ബോംബെയില് തിരിച്ചെത്തിയപ്പോള് ഞാന് പുസ്തകങ്ങളില്ത്തന്നെ മുഴുകി. പഞ്ച്ഗാനിയിലുള്ള ഒരു കോണ്വെന്റില് എന്റെ സഹോദരിമാരോടൊപ്പം ഞാനും അയക്കപ്പെട്ടു. ഞാന് പഠിത്തത്തില് മിടുക്കിയായിരുന്നു. പരീക്ഷകളില് ഒന്നാമതോ രണ്ടാമതോ എത്തുമ്പോള് തന്റെ നല്ല സമയങ്ങളില് അച്ഛന് അഭിമാനത്തോടെ ഇങ്ങനെ പറയും. ''അവള് പ്രസിദ്ധയായ ഒരു വക്കീലായിത്തീരും.'' അങ്ങനെ ഒരിക്കലുമാവില്ലെന്ന് എനിക്കറിയാമായിരുന്നു. എന്റെ താല്പര്യങ്ങള് നൃത്തത്തിലും ചിത്രകലയിലുമായിരുന്നു. പക്ഷേ വീട്ടിലുള്ളവരാരും എന്നിലോ, എന്റെ താല്പര്യങ്ങളിലോ യാതൊരു ശ്രദ്ധയും നല്കിയില്ല. വീട്ടിലെ ഏറ്റവും കറുത്തുമെലിഞ്ഞ വേച്ചുവേച്ചു നീങ്ങുന്ന രൂപമായിരുന്നു ഞാന്. അവരെന്നെ പലപ്പോഴും 'കാളി' എന്നു വിളിച്ചു. നിന്നെ ആര് കല്യാണം കഴിക്കാന്? അവര് ഇടക്ക് കുത്തിനോവിച്ചു. കണ്ണാടിയില് പ്രതിബിംബിക്കുന്ന എന്റെ രൂപത്തില് നോക്കി, ദൈവമെന്തിനിങ്ങനെ വൃത്തികെട്ടൊരു രൂപം എനിക്കു നല്കിയെന്നു പലപ്പോഴും ഞാന് ചിന്തിക്കാറുണ്ട്. എന്റെ നാസിക തടിച്ചു പരന്നതായിരുന്നു. എന്റെ വലിയ കണ്ണുകള് (ഇപ്പോളവ സൗന്ദര്യത്തിന്റെ രൂപമായി കരുതപ്പെടുന്നുവെങ്കിലും) അക്കാലത്ത് ഒരു തവളയുടെ കണ്ണുകള് പോലെയായിരുന്നു. അക്കാലത്ത് എന്റെ അധരങ്ങള് ഒരിക്കലും സെക്സിയായിരുന്നില്ല; ആഫ്രിക്കക്കാര്ക്കു മാത്രമേ അത്തരം അഭംഗിയുള്ള, അവലക്ഷണമുള്ള അധരങ്ങളുണ്ടായിരുന്നുള്ളു.
ഇനി എങ്ങനെ ഞാന് ആ ഓഫീസില് പോകും? ആരെ വിശ്വസിക്കും? എങ്ങനെ പണിയെടുക്കും? ക്ഷോഭവും സങ്കടവും അടക്കാനാവാതെ ആ കൂട്ടുകാരി ചോദിച്ചപ്പോള് മറുപടിയൊന്നും ഉണ്ടായിരുന്നില്ല. അവള് സുന്ദരി, ജോലി ചെയ്യാന് മിടുക്കി. ഭര്ത്താവ് കുറച്ചുകാലം മുമ്പുണ്ടായ ഒരു അപകടത്തില് പരിക്കേറ്റ് അരയ്ക്ക് താഴെ തളര്ന്ന്് കിടപ്പിലാണ്. അവളുടെ വരുമാനം കൊണ്ടുവേണം കുടുംബം പുലരാന്. സഹപ്രവര്ത്തകരൊക്കെ നല്ലവരും തന്നെ സഹായിക്കണമെന്ന് ആഗ്രഹമുള്ളവരുമാണെന്നാണ് അവള് ധരിച്ചിരുന്നത്. ഒരു ദിവസം രാവിലെ ഓഫീസില് എത്തിയപ്പോള് മേശപ്പുറത്ത് ഒരു കവര്. തുറന്നു നോക്കിയപ്പോള് അവള് ഞെട്ടിപ്പോയി. ഗര്ഭനിരോധന ഉറയുടെ ഒരു ഒഴിഞ്ഞ പാക്കറ്റായിരുന്നു കവറിനുള്ളില്. തളര്ന്നു കിടക്കുന്ന ഭര്ത്താവുള്ള ഒരുവള്ക്ക് കൊടുക്കാവുന്ന 'ഒന്നാന്തരം' സമ്മാനം! ആര്ക്കെങ്കിലും അബദ്ധം പറ്റിയതായിരിക്കുമെന്നു വച്ച് അവള് ഒന്നും മിണ്ടിയില്ല. പക്ഷേ, സമ്മാനം ആവര്ത്തിച്ചപ്പോള് അവള് തകര്ന്നു പോയി. മേലധികാരികളോട് പരാതിപ്പെട്ടെങ്കിലും പ്രയോജനമൊന്നുമുണ്ടായില്ല. ആരാണ് ഇത് ചെയ്യുന്നതെന്ന് കണ്ടുപിടിക്കാനാവില്ലെന്നായിരുന്നു മറുപടി. പലരും പല പേരുകളും പറഞ്ഞു. തെളിയിക്കാന് അവളുടെ കയ്യില് ആയുധങ്ങളൊന്നും ഇല്ലായിരുന്നു. ഏതോ ഞരമ്പുരോഗിയുടെ വിക്രിയയെന്ന് കണക്കാക്കി അവഗണിക്കാനായിരുന്നു സഹപ്രവര്ത്തകരുടെയും മേലുദ്യോഗസ്ഥരുടെയും ഉപദേശം. പക്ഷേ, അവള്ക്ക് ഇത് സഹിക്കാവുന്നതിനും അപ്പുറമുള്ള അനുഭവമായിരുന്നു. കൂടെയിരുന്ന് പണിയെടുക്കുന്ന എല്ലാവരേയും അവിശ്വസിക്കേണ്ട അവസ്ഥ. തന്റെ ജീവിതത്തിലെ ദുരന്തത്തെ ഇങ്ങനെ ആഘോഷിക്കുന്നവരും ഉണ്ടാകുമെന്ന് അവള് അതുവരെ ചിന്തിച്ചിട്ടുണ്ടായിരുന്നില്ല.